ཨོྃསྭསྟིཿ
བདེ་སྟོང་དབྱེར་མེད་ཁྱབ་བདག་ཀུན་ཏུ་བཟང་།།
ལོངས་སྐུའི་རྒྱན་འཆང་དཔལ་ལྡན་རྡོ་རྗེ་སེམས།།
མཆོག་གི་སྤྲུལ་སྐུ་ཡབ་གཅིག་པད་མ་སོགས།།
སྐུ་གསུམ་རྒྱལ་བའི་ཚོགས་ལ་ཕྱག་འཚལ་ལོ།།
ཞེས་མཆོད་པར་བརྗོད་པས་བསྔུན་བསུས་ཏེ།
འདིར་གླེང་བར་བྱ་བ་ནི་སྤྱིར་བོད་ཁམས་འདིར་སྤྲུལ་པའི་གཏེར་སྟོན་གྲངས་ལས་འདས་པ་ཞིག་བྱུང་ཡོད་པ་ལས།
སྐབས་སུ་བབ་པ་སྤྲུལ་པའི་གཏེར་སྟོན་ཆེན་པོ་སྙིགས་དུས་འགྲོ་བའི་མགོན་པོ་བདུད་འཇོམས་འཇིགས་བྲལ་ཡེ་ཤེས་རྡོ་རྗེའི་ཟབ་མོ་གཏེར་གསར་ལུགས་དང་།
གཏེར་སྟོན་མཆོག་གྱུར་གླིང་པའི་གཏེར་ཆོས་རྫོགས་ཆེན་སྡེ་གསུམ་གྱི་ལྷ་ཚོགས་རྣམས་ཀྱི་དཀྱིལ་འཁོར་ཕྱོགས་བསྒྲིགས་ཀྱིས་དཔར་བསྐྲུན་ཆེད་གླེང་བརྗོད་ཀྱི་ཚུལ་དུ།
སྤྱིར་རྫོགས་ཆེན་བསྟན་པའི་གླེང་གཞི་དང་། དཀྱིལ་འཁོར་གྱི་བྱུང་བ། དེའི་མཚོན་དོན།
དགོས་པ། སྐབས་དོན་གཏེར་གསར་དཀྱིལ་འཁོར་གྱི་སྐོར།
མཐར་མཇུག་བསྡུ་བ་བཅས་མདོར་བསྡུས་འགོད་པ་ལ།
དང་པོ་སྤྱིར་རྫོགས་ཆེན་བསྟན་པའི་གླེང་གཞི།
